聖誕節亦係送禮物佳節，雖然各大商場或百貨公司都人山人海，但為親朋「蜜」友揀禮物，都可算係快樂嘅煩惱。不過相信各球迷都未必想喺滿心歡喜嘅拆禮物日，拆中上圖嘅德國隊仿真布公仔！
日前德國國家隊推出球星公仔，雖然各人品味有異，但相信球迷都幾難吐出「好得意」3個字。話就話仿真，但相似度極其量只得20%左右，20%仲要係件波衫。依圖所見，11人大軍中只有9款球星公仔，包括比較似樣嘅鋼門紐亞、拜仁新星馬里奧葛斯、多蒙特球星曉姆斯、馬高列奧斯、皇馬嘅基迪拉，以及矮得嚟好可靠嘅拜仁隊長拿姆，當然少不了今夏加盟英超阿仙奴嘅奧斯爾。Q版「大眼仔」奧斯爾更可以用離譜嚟形容，以為膚色加深咗少少就當係土耳其同德國Mix都算，個髮型足已毀滅一切。不過算啦，可能像真度太高仲得人驚。
以女性角度看球星新聞，唔用眉筆用原子筆寫低球壇百態！
文：呂晨
足本收睇《亂噏24》x劉嘉玲；鄭秀文@杜琪峯再度登場！
周一至周五《亂噏24》約定你： http://bit.ly/appletalk24