大家刨馬時或跑完馬後，好多時都會上網睇賽事片段或巡邏影片。但由於鏡頭所限，好多時睇得唔係好清楚，甚至想睇嘅馬根本唔入鏡頭，所以未必了解到一匹馬喺陣上嘅真正形勢。不過馬會今季新設咗一個Trakus 系統，用於陣上計時及追蹤馬匹陣上具體所處嘅立體位置。方法是喺每一匹馬嘅馬鞍內安裝感應器，而馬場內有多條天線接收數據，最近喺大屏幕大家所見嘅即時走位，正係源於Trakus 系統。另一作用係根據上述數據，再經後期製作，可以還原出賽事嘅立體動畫版，用喺官方嘅<>節目中播放， 咁就可以更清楚表達某匹馬嘅真實走勢或陣上擠阻意外，好似最近12月4日馬得利及12月18日黃金宅男的賽事，就用上動畫版比賽過程，去解釋賽事。等大家了解到馬得利究竟直路追得幾勁，以及黃金宅男嘅真實受阻程度。大家可以click入馬會網上版＜＜賽後你點睇＞＞，就知係乜嘢一回事。
足本收睇《亂噏24》x劉嘉玲；鄭秀文@杜琪峯再度登場！
周一至周五《亂噏24》約定你： http://bit.ly/appletalk24