許志安與鄭秀文（Sammi）終於結束愛情長跑，安仔更在Sammi今年生日派對上求婚成功，據知二人已於上月在峇里舉行夢幻婚禮，之後會在香港補辦註冊儀式。安仔與Sammi婚訊熱爆全城，藝人都紛紛送上祝福，網民亦樂於見到二人有情人終成眷屬，不過一向口多的森美前晚竟口不擇言，暗寸二人拿婚事宣傳之餘，竟然更送上「離婚」贈興，認真黑心！
借戀事谷宣傳
森美、小儀及連詩雅（Shiga）等前晚於屯門出席平安夜活動，問到安仔與Sammi的婚訊時，森美自言看報道後以為二人真的已結婚，所以即在電台節目內狂播他們的歌曲，森美說：「我初頭以為（佢哋）結咗婚，原來係求婚成功，我睇穿佢哋計劃，個計劃係求婚鄭秀文出碟，訂婚就許志安出碟，鄭秀文開演唱會就係結婚，許志安開演唱會就係離婚，再有咗就係佢哋一齊開演唱會，呢啲宣傳伎倆萬試萬靈！」
森美表示本身與安仔較熟，大讚安仔外表很cool，但其實很幫後輩，為人亦相當hot：「好少見到Sammi，希望佢哋快啲結婚生仔，歲數都差唔多。」其實森美一向口多兼寸嘴，與小儀主持節目時曾因投票「我最想非禮的香港女藝人」而引起軒然大波，今年他被爆有戀腳癖，愛影腳又愛上載腳的照片到網上，前晚又亂噏「離婚」贈興，得知禍從口出的森美昨即在微博留言補鑊：「對此事我感到萬分歉意，望鄭秀文小姐和許志安先生及愛他們的所有朋友見諒。現肉袒負荊，公開謝罪。」 此外，同場的Shiga自言要努力工作，希望可以盡快儲到首期買樓。
另外，昨日下午約3時，安仔駕車返回淺水灣道寓所，身穿短褲及風褸的他揮手打招呼，但未有接受訪問。
採訪、攝影：楊潔雯、羅德光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！