早前方健儀喺微博漏口風話：「十二月，司儀月之五：賀彭國柱新婚之喜。十二月很多好日，我在聖誕夜還會為另一位記者好友任司儀，猜猜他/她是誰...」當時唔少醒目嘅網民都估個「記者好友」係談美琪，昨日就係聖誕夜，謎底終於揭盅啦，無錯，確係談美琪BB呀﹗
醒目嘅網民真係估啱咗，昨日係美琪BB同nowTV首席記者李國豪結婚大日子，方健儀喺微博到話：「十二月，司儀月之六：在迪士尼酒店恭祝談美琪及李國豪新婚之囍。」仲貼咗兩張喺酒店嘅司儀相。
而談美琪嘅微博就有一張佢同老公李國豪嘅甜蜜合照，仲話：「快快趣用手提影咗一張相 kekeke。」真係恭喜晒！
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24