講到香港馬圈嘅護級專家，唔使問都知係練馬師吳定強啦，雖然佢多季以來都係得十零場頭馬啱啱夠上岸，但佢從未試過因為贏唔夠數而收馬會warning letter。睇番佢近年都係得三十零隻馬，所以有十幾場頭馬都算係咁啦。今季馬會將上岸要求提升到15Ｗ，所以家陣只得4Ｗ嘅吳定強都要加把勁。今期谷草賽事佢出馬三匹，每匹都有唔錯份量㗎。
先講頭場五班一哩嘅「領航精神」，呢匹馬季內贏同程，今次排番個好檔，強配韋達有力補中。至於第五場三班一哩嘅「銘記心頭」，七戰同程只得一次冇獎金，楊明綸亦同匹馬好夾，相信會係呢場機會馬。至於第六場三班1000嘅「聖驛善」，兩戰同程獲一冠一亞，加上用到騎師榜一哥潘頓，贏埋有幾奇！就睇吓呢三匹馬到時幫唔幫到吳定強。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange