今年7月香港國際盛事曼聯對傑志表演賽，喺一片爛地嘅香港大球場上演，令香港成為國際笑柄。大球場變大農場，早前康文署署長馮程淑儀承認，政府專業知識、草地管理員工培訓均不足，事隔五個月，政府以近10萬元月薪，重金公開招聘「草王」，獲聘者仲要做埋「擋箭牌」。
政府於本月中以月薪96,150元，聘請「運動草地管理組總監」，草王職責要監督香港大球場草地管理同埋保養工作，至少有五年大型球場草地管理嘅高層管理經驗。但政府講明，草王隨時要以部門發言人身份，回應運動草地管理同保養事宜，即係下次大球場啲草再有乜嘢差池，要幫手「被問責」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange