聖誕節政圈非常悶局，八方手痕四圍㩒，唔覺意就㩒到去商務及經濟發展局個網頁，發現返咗工兩個月有多嘅副局長梁敬國（圖），仲未公開佢份利益申報表出嚟。其實八方差啲都唔記得咗有呢個人，事關佢真係勁低調囉。八方淨係知道，9月尾政府公佈委任佢嘅時候，佢大大聲話自己每一日都喺度諗，究竟佢家族有乜嘢利益要申報，而佢係諗唔出嘅。唔通佢呢兩個月來每日仲好認真咁諗緊有乜嘢利益要申報？官方嘅講法係，梁敬國仲整理緊啲利益申報資料，總之會早日公開啦。
如果梁副局真係冇乜嘢利益要申報嘅話，又何需搞咁耐呢？八方順便想提醒吓梁副局，過多一個禮拜就係新一年，佢再拖拖吓呢就變咗拖過年㗎啦。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24