每年一度的「新城勁爆頒獎禮」今晚舉行，雖然新城實行「唔到冇獎」制度，但今年特別厚待缺席的鄧紫棋（G.E.M.）和容祖兒，更獲新城率先頒獎。前晚G.E.M.、糖妹、Regen等到荃灣出席新城聖誕倒數，G.E.M.即場獲新城頒發三個獎項，包括新城勁爆女歌手、新城勁爆學生最欣賞女歌手和新城勁爆播放指數大獎。
拒人肉速遞
G.E.M.解釋因要到內地工作而缺席勁爆頒獎禮，又賣口乖說：「新城一向支持我，原本我度咗去到，但突然彈出件事，我簽咗合約，保密協議，總之唔係搵錢嘅job，我都想去但冇法出席，惟有以後多啲去新城宣傳同做訪問。」去年曾拍片寸商台的G.E.M.，被問今年是否也不出席叱咤頒獎禮？她強調不是，並自爆商台有約她做訪問：「有聯絡過，我私下其實同啲DJ有聯絡，公司方面就唔清楚。」
G.E.M.指聖誕未能與男友林宥嘉慶祝，可會有人肉速遞作聖誕禮物？她說：「冇，𠵱家科技咁發達，送少咗好多禮物，message都夠。」對於許志安和鄭秀文被爆婚事，G.E.M.自言未有結婚計劃，亦都冇人求婚。
此外，糖妹見到記者時表現欷歔，大呻又過一年，今年單身過節的她，自言要專心工作，不心急拍拖。問到努力搵錢是否想儲姑婆本？她說：「講呢啲，我計劃出年返內地、台灣發展，內地有咁多年輕男仔，到時睇吓有冇遇到啱，最好係中國人啦，我好少食西餐。」
採訪、攝影：王連連
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24