喺上年「升呢」成為港島區立法會議員後，民建聯鍾樹根（圖）為免分身乏術，辭咗原來嘅東區區議會主席一職，之後區議會圍威喂選番同樣係民建聯嘅黃建彬接任。估唔到呢個位嘅調動，影響埋其他委員會擺位。
據區內人士透露，黃建彬獲選大會主席後，原副主席一職順理成章要改選，結果又俾民建聯壟斷，由龔柏祥頂上。
由於龔柏祥做咗副主席，所以明年會讓番旗下嘅地區設施管理委員會主席一職出嚟，據聞Tree根冇大主席都想有個細主席過吓癮，擺明力爭呢個委員會主席，但工聯會唔like民建聯玩晒，有意派出梁國鴻出戰，兩方陣營正在拉票，Tree根唔係「肯定」坐定粒六㗎。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24