早前南華足球隊班主羅傑承，同老婆梁芷珊名下嘅三料馬王「軍事出擊」，喺香港盃大熱倒灶只跑梗頸四，羅生及羅太當然唔開心啦！之後冇耐就有消息證實，「軍事出擊」未來帥權會有變動，暫時唔會由潘頓再騎。
講番今次谷草賽事，華協會團體名下之新勝馬「競技英雄」，將會出戰第八場二班一哩，而羅傑承就係華協會團體成員之一。呢隻馬上次雖然贏泥地，但草地戰鬥力其實一樣OK，佢曾喺同程谷草一哩最先衝過終點跑第一，只不過嗰場賽後被告甩，貶為第二名而已，但已證明場地及路程性能絕對一流。今次「競技英雄」排二檔，而騎師柏寶同練馬師蘇偉賢今季合作三次得一冠一季，成績唔錯，所以此駒隨時再下一城，為羅傑承復仇成功，一掃香港盃「軍事出擊」大熱落第嘅悶氣！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange