2013年十大新聞回顧，由路姆西起動，路福西接力，兩條路，幾時走到普選特首，就要海陸空三條路往西環方向試吓。行唔郁，就讓路姆西飛。
首富接受訪問，自爆若然時光倒流，會考慮從政。這番話，是對曾經講過N屆都唔選的狼振英最大的挑機。首富入閘，不必繞過選委會，唔使三揀二，毋須珠姐背書，贏開巷！唔信，請兩位攞十億現金出來晒冷，睇吓民意靠向誰？到時遠走高飛的，肯定不是張子強。
梁營接二連三有人跳船，跳剩三個字、一個波。家是香港，摺凳，眾所周知，坐唔暖，瞓唔落，經營得幾耐呢？不言而喻。
香港電視上到位，背靠祖國，即有運行。2017入閘人腳，隨即起變化。維基鄭婆婆in，葉劉曾主席out。梁錦松這類程咬金，陸續有來。對付這場另類佔中（進駐禮賓府），狼振英的私房防暴隊，分分鐘等不及，年尾流流，八九不離十，來真的！