【本報訊】為了讓六四史實不被淹沒，支聯會早在五年前提出設立六四紀念館，但樓價持續不跌反升，購置館址頓成最大困難，幸而月前終籌得足夠資金，令紀念館趕及六四25周年前開幕。
獲內地商人捐50萬
過去兩年，支聯會先後在深水埗和城市大學試辦臨時紀念館，了解市民反應和吸取經驗。同時訂下500萬元的籌款目標。後來卻發現，500萬元根本不夠購置面積千多呎物業。李卓人稱，兩年來「一路籌錢都籌唔夠」，要四出「揼心口」，結果在海外華人鼎力襄助、加上有內地商人慷慨捐出50萬元後，今年10月善款數目才達到600萬元，有足夠「彈藥」買館址，令紀念館得以在明年4月中開幕，至此才鬆一口氣。
根據試辦臨時紀念館經驗所見，不少內地人都希望了解六四真相。李卓人相信，因近四分一世紀以來，北京不斷壓制內地人自由所致：「其實大家諗吓作為人嘅一個本性，就係追求自由，咁佢哋喺內地壓抑咗，喺內地根本被禁制咗呢個歷史，咁佢哋都有自由嘅渴望，希望可以知多啲歷史真相，我相信呢個渴望驅使佢哋嚟六四紀念館」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange