昨早近乎冇外籍練馬師露面，得大摩喺烽火台睇馬，但就有好多洋將到場操馬，其中柏寶試完馬後，急急腳走去烽火台，原來搵文家良密斟，兩人對住啲賽事資料，一邊睇一邊傾，夠晒積極，周四晚佢哋合作「海豚」與「東成西就」，睇嚟應該有料到。「海豚」上仗田草對手強，加上沿途外疊蝕位，唔輸就奇，拼後勤操猛練，彈閘之餘，亦見柏寶親操，今次谷草對手弱兼有一檔，當然唔同睇法。而「東成西就」10戰谷草1000米得1冠2亞3季，上名率逾半，加上已一連三仗上名近況好，梗係爭勝份子啦！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange