許志安與鄭秀文終於拉埋天窗，據知，明晚安仔在「新城勁爆頒獎禮2013」將擸三獎喜上加喜，消息指安仔獲頒全球勁爆歌手、全國歌手和憑《情人甲》奪勁爆歌曲，新城高層朱明銳昨接受訪問說：「恭喜安仔愛情長跑修成正果，我哋會喺頒獎禮送對公仔祝賀佢。」
此外，陳奕迅（Eason）以4獎及容祖兒以3.5獎榮登男女歌手大贏家，兩人還雙雙成為全球勁爆歌手六連霸，Eason兼奪年度歌手、年度歌曲和勁爆歌曲；雖然新城去年奉行「唔到冇獎」遊戲規則，不過正在紅館開騷的祖兒卻獲厚待奪3.5獎，包括全球勁爆歌手、勁爆專輯、勁爆歌曲和合唱歌曲，由於直播製作費太昂貴，新城今晚會到紅館率先頒獎給祖兒，片段於明晚頒獎禮播出。
至於吳雨霏、官恩娜、薛凱琪、衞蘭則各獲2獎平分秋色，官恩娜和G.E.M.獲勁爆女歌手，勁爆男歌手是周柏豪和陳柏宇；而缺席的何韻詩、蘇永康、林峯、蔡卓妍、RubberBand等則食白果。
採訪：皓騫
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24