噚日平安夜，個個都想平平安安㗎啦，不過梁佩瑚同細佬梁焯皓以及戴辛尉就相反，噚日中午佢哋就去咗紅磡警署報案，聲稱被一名男子詐騙。
損失六位數字
佢哋三個接受訪問時，事件主角梁焯皓全程冇乜點出聲。點解平安夜先嚟上差館呢？梁佩瑚話：「我擔任director嘅唱片公司Manstone Music Limited喺6月中開始聘請咗個男人，佢負責幫細佬（梁焯皓）嘅新唱片，佢職位係manager，係by project，呢段期間佢係有支月薪，負責統籌。不過近日我睇番啲單就發覺條數唔啱，例如宣傳費，佢問公司拎咗錢又唔找數畀人，近日搵親佢都話病。」戴辛尉就補充話公司暫時損失六位數字：「本來可以心平氣和，佢肯出嚟就唔使行呢一步。」梁佩瑚話：「嗰個人我哋搵極佢都唔出嚟，惟有行呢一步。」
戴辛尉之後就同男子組合Gentleman到新城做訪問，梁焯皓因要落口供而未有出席，佢話件事影響佢心情，因為幫手宣傳嘅人識咗好耐，估唔到會發生咁嘅事。
撰文：馮仁昭
戲裡戲外，話題最強，立即收睇《動戲場》:
http://hk.movies.nextmedia.com/extra/list/