噚日平安夜係告東尼57歲牛一，亦等我哋追蹤下佢呢朝嘅「生日活動」。呢位壽星仔認真勤力，繼前日穿梭馬場不停督操後，噚日牛一大日子都唔休息，同樣喺馬場四圍騰，吼實啲戰馬一舉一動，期間除咗同僚薛達志走過嚟同佢講聲happy birthday外，其他時間告仔一概埋首工作，仔細觀察「奀皮仔」、「迎風飄揚」等馬嘅動靜，其後告仔話今年聖誕會留港唔會外遊，夜晚將與家人食飯慶祝，生日願望係身體健康。睇番告仔咁神心連日積極備戰，一定冇死錯人，相信佢嘅真正生日party，應該係周四晚賽事，到時告仔一定玩大佢，連場贏馬賀壽，有幾激得幾激！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange