【維基開台倒數188日】香港電視周年聖誕晚會前晚在尖沙嘴洲際酒店舉行，數百員工出席，適逢早前剛宣佈取得流動電視牌照，將於明年7月1日開台，眾台前幕後更加興奮，老闆王維基聯同其他高層豪派現金抽獎，又安排彭家麗與「路姆西總理」合唱《從不喜歡孤單一個》，笑爆全場。是夜更可謂皆大歡喜，不少人都抽得五百至五千元獎金不等，中獎藝員包括張可頤、林文龍和陳家樂，剛加盟的陳錦鴻更抽得五千大元。
會出力貢獻
自覺很旺的陳錦鴻說：「原本我係開台前最後一個簽嘅藝人，以為開唔到台，𠵱家仲中埋獎，感覺良好。」首次參加港視活動，錦鴻覺得跟參加無綫慶功宴沒分別，因一半以上都是舊同事，能一次過重逢，確實開心。
錦鴻坦言：「雖然士氣好，大家開心啱啱獲得一個播放平台，我亦覺得係一個困難嘅開始，一年製作二、三百小時電視節目唔易，啲嘢會逼住嚟，但自己會盡力，剛加入都想有啲貢獻。」
松枝抽五百
張松枝前晚抽得五百元，雖不屬大獎，但同樣開心，他說：「好意頭，因我呢世未試過中獎㗎！」他透露王維基即場多謝同事對他的支持，故承諾會做到更好，又謂所有困難都是小問題，最重要質素被人認同。
「美棋BB」黃美棋是司儀之一，她透露王維基致謝時自備貓紙：「王生話多謝大家撐佢，又去政總撐，多謝大家冇懷疑過佢。」
採訪：黃曉妍
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24