其貌不揚嘅南非騎師田泰安，今季來港發展獲高度評價。大家都話佢騎功好，而且鬥志十足。家陣已經取得17場頭馬，排喺騎師榜上游，如果唔係早排停賽多日，頭馬一定唔止呢條數。
今年田泰安第一次在港過聖誕，佢話自己留港工作，冇特別節目，但由於未婚妻不在港，的確會較悶，或許獨自尋歡，在港四處逛逛。
被問到剛停賽復出不久，上周三又因不小心策騎，稍後將再次停賽時，田泰安話不如意事經常出現，佢初來港策騎，始終需要時間學習和了解呢度嘅模式，佢話自己所犯過失並不嚴重，正好係學習機會，令自己騎功進步得更快。
周四座騎中，「帝國勇將」向來係谷草短途好手，田泰安表示自己上周四策此駒在草地快跳，馬兒走勢良好，雖然身材細小，可是鬥心卻像獅子般兇猛，狀態正在提升中。田泰安補充隻馬上場跑第三表現唔錯，唯一問題係經常起步遲緩，如果今次起步順利，將具爭勝機會。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange