NBA球衣向來都是潮「籃」恩物，但傳統背心款袒胸露臂，天寒地凍不合時宜，還好adidas今年推出應節的聖誕版短袖球衣，甲一南華射手劉子健及永倫前鋒方誠義（阿Ga）試穿過後皆愛不釋手，身為忠實球迷的你，係時候改「潮」換……衫！
短袖球衣雖並非新鮮事，勇士去季已率先試過以全新面目落場，然而，聯盟今季掀起「衫」國演義，聖誕節5場大戰，10支球隊將穿上聖誕版短袖球衣應戰。儘管背心款籃球衫深入民心，就連從未穿過短袖球衣打波的劉子健，採訪當日，起初也以為有袖波衫會影響表現，但該南華3冠功臣試穿與阿Ga 1-on-1後，就認為擔心多餘︰「射波、插花與穿背心一樣自如，而冬天着短袖波衫，再像我這樣配件techfit底衫，感覺也很fashion！雖然戴歷路斯受傷，但我仍是會穿上這件衫去尖沙嘴睇完燈飾後，再回家睇直播力撐公牛擊敗網隊。」
劉子健、阿Ga都讚好
聖誕願望是新季帶領永倫，在南華手上重奪銀牌及甲一桂冠的阿Ga，縱已計劃與女友Jessie於佳節外遊，但仍會利用League Pass欣賞大戰。雖然他睇好實力平均的熱火可力克缺拜恩的湖人，但他對身上這款聖誕版球衣，仍然讚不絕口︰「短袖波衫較新鮮，除男球迷外，相信也頗受女仔歡迎，畢竟多隻袖可以掩飾『Byebye肉』。」
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24