周四晚谷草賽事用A欄，呢條跑道一字記之曰：「放」。睇番最近12月4日同一移欄九場賽事，超過半數頭馬係放頭勝出，分別係「滿貫豐采」、「回鄉精神」、「勁飛揚」、「奧妙繽紛」及「新力鷹」，另外「迎風飄揚」就守喺前領馬之後嘅貼欄包廂位下建功，擺前走真係好着數。不過又唔好一本通書睇到老，值得留意當晚三場1200米頭馬「電訊超星」、「公証揚聖」及「環保戰士」都係從尾叠衝上反勝對手，所以周四晚第二、七場同程，就要揀番後上馬好啲。
今戰列陣馬入面，第五場「迎風飄揚」及第六場「奧妙繽紛」上仗正是於12月4日谷草A欄贏馬，勝後等番同一移欄先再跑，而且有運齊齊抽內檔起步，睇落機會唔錯。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange