立法會議員陳恒鑌（Ben）平安夜化身「岡本教主」，喺旺角行人專用區派避孕套。阿Ben噚日透露，佢做主席嘅新界青年聯會今日下晝4至5點，會聯同新界青聯智庫一班成員，喺旺角行人專用區向女途人派安全套。佢話以往贊助開嘅杜蕾斯今年唔再贊助，惟有改搵岡本幫手。
阿Ben又趁住聖誕節，整咗棵掛住唔同願望嘅聖誕樹送畀醫管局新主席梁智仁，希望政府更加落力推動成立中醫院，佢又話試過因為腸胃炎求診博愛醫院急症室，但等咗四個鐘先有醫生幫佢打針。佢建議公院邀請私家醫生開設深宵普通科門診，幫手處理簡單病症，減輕急症室負擔。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24