【願當大任】和平佔中正醞釀一位帶領整場運動的總指揮，早前有報道指人選會是佔中發起人之一的朱耀明與支聯會主席李卓人之爭，但陳健民受訪時斬釘截鐵表示：「總指揮一定係三子其中一個。」
他澄清所謂總指揮只是現場負責嗌咪者，並非統合整個運動，笑言「我哋討論時只係諗邊個把聲夠大」。
陳健民解釋：「人哋鍾意你呢個運動，就係因為冇政黨。」李卓人除了是支聯會主席外，還是工黨主席，政治味太濃，因此總指揮「唔會係李卓人，一定係三子之一」。
他指佔中運動的總指揮須具幾大條件，一是夠大聲，二是有經驗，他們三子都願意作此承擔，陳笑稱自己有條件：「我大學畢業後做咗幾年社工，組織人圍政府、示威，我唔純粹係書生。」
面對抹黑 處之泰然
對於佔中成員早前赴台灣會見民進黨前主席施明德，被上綱上線至勾結台獨勢力，陳健民對此啼笑皆非，因為不少台灣人也批評施明德「投共」，不過他承認此事對運動造成傷害。
面對種種抹黑打壓，陳健民表示已經由最初沉重得「冇晒笑容」轉化至現在處之泰然，更稱簡直可以「輕鬆」形容此刻心情，因為所預計的影響已一一浮現，例如有人會刻意避開、當他有政治傳染病，亦有人傾力支持。陳健民稱不打算再應酬「幫港出聲」的狙擊，直言要專心向市民宣傳普選的重要，「我哋都費事睬周融」。
《蘋果》記者
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24