深圳龍華你有冇聽過？龍華鎮有個富豪叫謝國輝，佢個仔係謝劍汶，亦即係香港馬「龍華太旨」馬主。呢位富二代最近出晒位，佢同爸爸謝國輝喺早前香港國際馬匹拍賣會舉晒手，用咗近1,200萬投咗兩隻馬，出晒風頭。不過拍賣馬訓練需時，短期內想再出風頭，就要靠「龍華太旨」；呢匹馬今季演出其實遠比上季進步，六戰全部跑前五名有獎金，未贏只因為冇運，好似上仗咁，抽正大外檔，沿途蝕到阿媽都唔認得，咁都跑第五，證明忠心啦！呢次就唔同喇，排六檔好得多。方嘉柏訓練「龍華太旨」咁耐仲未交代，肯定有壓力，隻馬亦係謝劍汶首匹個人名義養嘅馬。對富二代嚟講，獎金事小，冇得威就冇面，所以一定搏到贏為止。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange