愛華頓周日英超作客以2:1擊敗史雲斯，近5場聯賽取得4勝1和。右閘史密斯高文66分鐘幫「拖肥糖」先開紀錄，連續兩場有入波，雖然白賴仁奧維度跟住擺烏龍，幫史雲斯扳平，但中場新星巴克里（圖）原來連罰球都掂，佢喺完場前6分鐘罰球直射破網，幫愛華頓攞晒3分。巴克里賽後話：「球隊啲罰球向來都係巴尼斯包辦晒，所以呢球係我表演嘅機會，但我其實不嬲都冇練開罰球。」另外，英格蘭名宿列納喺專欄寸曼聯買錯人，話紅魔應該買巴克里，而唔係費蘭尼。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24