周日禾夫斯堡逼和慕遜加柏2:2，成為2013年最後一場德甲比賽，而拜仁慕尼黑（圖）因為出戰世冠盃，聯賽對史特加一戰壓後，所以比一般球隊少踢1場，不過都足夠以44分成為德甲歇冬前冠軍。拜仁今年大豐收，連埋世冠盃做咗5冠王，收獎金都收到手軟。德國《圖片報》報道，拜仁今年拎到1.2億歐元（約13億港元）獎金，最和味當然係歐聯，上季冠軍總獎金達5,500萬歐元，今季入16強至少執多2,800萬歐元，剛剛贏世冠盃都執365萬歐元，中場列貝利繼世冠盃金球獎後，又當選《踢球者》13年球壇風雲人物獎，真係名利雙收。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24