上周六喺聯賽贏完韋斯咸，曼聯星期日晚就開開心心，拉大隊去里奧費迪南間餐廳開聖誕party！一班紅魔WAGs盛裝打扮，其中湯卡華利女友祖芝娜（上圖）最唔怕凍，着咗條露膊低胸短裙益街坊，仲要係紅色，夠晒搶鏡！基斯史摩寧女友曲姬條白色裙個deep v位都好深吓。曼聯班球星着衫就求其得多，好似朗尼（下圖）冷衫加長褲就算，似係落街買麵包。領隊莫耶斯、教練菲臘尼維利、老將傑斯同艾拉就執得正啲。曼聯將會喺「拆禮物日」作客侯城，力爭各項賽事5連勝。另外，有傳媒指費蘭尼已經接受咗手腕手術，預計要養傷至2月尾先可以復出。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24