2013年意甲最後一場波上演米蘭打吡戰，今場係AC米蘭教練艾基利執教呢隊波嘅第400場比賽，但A米就依然咁頹。國際米蘭喺完場前4分鐘憑前鋒柏拉斯奧攻入全場唯一入球，以1:0小勝。A米輸波仲輸品，仲要喺補時階段有中場蒙達利（左二）領紅被逐。事緣喺補時兩分鐘嗰陣，A米中場卡卡被侵犯，球證吹罰之後國米中場古斯曼奴域執起個波拖延時間，蒙達利就好火咁走埋去推低佢，引發雙方球員衝突。事件好快平息，不過先撩者賤嘅蒙達利就攞紅牌提早返更衣室咯。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24