南華同東方沙龍噚日分別晨操，備戰聽日嘅銀牌4強大戰，而後者練完波後仲拉埋大隊去酒店集宿兩日，態度認真。至於明年「升呢」出戰亞冠附嘅少林寺，噚日就唔見咗個試緊腳嘅前波斯尼亞國腳卡古，教練張寶春話佢已暫時回國，嚟緊會再試多個外援；不過就應該唔係英冠昆士柏流浪嘅安祖莊臣（AJ）同捷雲頓喇，足主羅傑承話︰「佢哋啲條件高，加上要佢哋呢啲級數去練同踢香港啲爛場，都唔容易適應，有消息聖誕後會再公佈。」另外，東方為咗令大家有個快樂聖誕，只要大家登入球隊facebook參加遊戲，估中聽日場銀牌嘅入場人數，就可獲得球隊打氣天使送出天使之吻一個（圖）。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24