上周六憑「天時駿駒」贏馬嘅李寶利，星期四晚又有惡馬喺手，講緊嘅當然係有跑馬地怪獸之稱，出戰一班1200米跑馬地錦標嘅苗廐馬「金滿載」。呢匹馬上仗由李寶利贏，但今仗本來諗住用番前仗贏馬拍檔莫雷拉，但因為莫雷拉停賽，結果又益番李寶利囉。
「金滿載」上鋪喺李寶利胯下跑同程，贏得好精彩，直路一度搵唔到位，但匹馬一望空，就成支箭咁衝上嚟過晒。賽後騎師仲開心到同女朋友咀咀㖭。問到今次「金滿載」嘅機會時，李寶利就話雖然升上一班，但負120磅及排4檔，贏馬冇問題啦。至於其他座騎方面，李寶利話跑第六場兩連捷嘅「奧妙繽紛」越跑越進步，亦係佢嘅爭分籌碼。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange