恭喜！賀喜！今年係工聯會成立65周年，呢個多年嚟自稱以勞工基層利益為首嘅愛國團體，啱啱出版咗本《工聯會與您同行——65周年歷史文集》（圖）贈興。會長林淑儀話，呢本書籌備咗五年，除咗回顧工聯會發展歷史外，仲專訪咗棠哥、嫻姐同前理事長潘叔潘江偉。
咪睇潘叔已經90歲，八方噚日見到佢出席發佈會仲好精神，雖然上台落台要用枴杖，但係致辭嗰陣全程唔使用，仲非常有中氣講足15分鐘，搞到台下職員要不停打圈。講番本書，八方睇過部份內文，充滿洗腦成份，例如提到1967年左派發起嘅暴動，就將所有責任歸咎於當年港英政府同警察暴力鎮壓，先會引發一連串死傷，睇到八方O晒嘴。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange