藝術界反動基地油麻地活化廳俾藝發局收番，諗住交畀莫昭如繼續營運。原本活化廳9月要交場，但係一班藝術家覺得家陣每兩年審批一次合約，根本做唔到藝術扎根社區，制度唔係好妥，所以夠鐘都決定唔走人，實行「佔領」上海街現址嘅舊樓地舖。聖誕前夕，佢哋收到藝發局最後通牒，要佢哋月底前撤走，如果唔係就依法追究，一班藝術家都諗緊點算好。
清場前夕，佢哋今晚就會舉行「活化墟」派對（圖），8點正喺上海街、熙龍里安排街坊交換禮物，齊齊賀吓或者係活化廳嘅最後聖誕。幾年前，受深水埗重建影響嘅花牌製作師傅黃乃忠，好唔容易先落戶活化廳，勢估唔到呢鋪又要面臨逼遷！
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24