除咗宜家隻路姆西野狼仔外，熊人公仔今年都大受歡迎㗎，你睇尖啤劉夢熊由年頭紅到年尾，曾經俾網民將佢同鬆弛熊拉上關係，就知熊仔今年有幾hit啦！又到聖誕，估唔到港鐵都大搞熊仔車廂，喺東涌綫首架以柏靈頓寶寶熊做主題佈置嘅專車，今個月已經出發。車廂會變成柏靈頓熊聖誕號，除咗有聖誕造型嘅熊公仔，仲保持咗傳統英式佈置，列車全長八卡，會經東涌、青衣、香港站，呢部咁得意嘅列車，會行駛到明年1月1日，之後啲熊仔同佈置就會返去英國家鄉喇，所以要同佢哋影靚相，記得把握時間喇！
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24