【記者吳嘉羚報道】相傳聖誕老人會爬進你家煙囱，悄悄放下禮物；本港高樓沒煙囱，聖誕老人去哪兒？港產世界級聖誕老人Santa Jim和Santa Banana，便寧捨商場騷酬勞，跑去做義工，四出探訪基層和長期病患兒童，全因不想讓喜歡聖誕老人的孩子失望。
探訪弱勢學童
港產80後聖誕老人Santa Banana（陳柏圖），上月遠赴瑞典參加國際聖誕老人運動會，獲選為全球年度聖誕老人歸來後，預約他出席活動的電話隨即蜂擁，但他並非來者不拒，「主要做關顧弱勢嘅機構、學校探訪、傳福音活動」。他現每日最多出席四場探訪，如到香港紅十字會甘迺迪中心，探訪患有大腦麻痹、肌肉營養不良等長期病患和智障學童，表演魔術和派禮物。
他指，「義工活動好多你想嘅嘢可以即刻做到，隨意變個魔術，多啲同小朋友交流，冇商場咁多掣肘，唔會吓吓趕住要做下個環節」，但他坦言義工探訪大多只有車馬費，對沒有鹿車的港產聖誕老人而言，甚至不時蝕錢。
Banana堅持做義工探訪，就是不讓想見聖誕老人的孩子失望，「聖誕老人係將愛傳畀世人嘅一個紅衫老人，我係聖誕老人，如果我都唔答應你，邊個答應你？」
同樣今年主力做義工探訪的Santa Jim，在09年獲選為年度聖誕老人，是本港首位世界級聖誕老人。他指本港全職聖誕老人只有約六名，而他的願望是香港有聖誕老人村，故獲獎後積極開拓培訓工作。他今年首辦聖誕老人學校，招收得六名來自不同階層的本地學員，有18歲的年輕人，亦有為興趣的中年男士，Jim將大部份商場騷交給這六名準聖誕老人接棒。
他今年亦開辦聖誕老人信箱，至今已回覆近200封本港小朋友的來信，「佢哋會問我同乜嘢人住，住喺邊，香港凍唔凍」，亦有不少人會寫下最想收到的聖誕禮物，甚至有小朋友說想要汽車。對於聖誕老人能否一一為他們實現願望，Jim說「唔可以直接拒絕，主要鼓勵同祝福」，他指為小朋友留有幻想空間，才是開設信箱原意，亦希望讓小朋友相信聖誕童話。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24