上電台烽煙節目要接聽眾電話，是常識吧。偏偏就有啲人懶理呢個定律，不時會喺上烽煙節目前提出可唔可以唔接聽眾電話，有時真係激死電台烽煙節目員工。話說早前兩電加價，港台烽煙節目千禧年代請咗中電企業發展總裁莊偉茵上去解畫，八方聽聞，有人開出條件指上節目都得，但係就唔聽聽眾電話。好彩電台企硬，對方先至屈服。八方聽聞，有唔少司長、局長臨上烽煙節目前，佢哋嘅新聞秘書都「好識做」咁問清問楚：「係咪要聽聽眾電話㗎」，只得高永文局長真正最識做，上得節目就預咗要聽民意，永遠唔會多此一問。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange