【維基開台倒數190日】王維基大前日宣佈進軍流動電視市場，旗下香港電視將於明年7.1開台，據知港視有見警匪劇《警界線》在網上首播第一集以來引起極大迴響，被網民一致讚好，點擊率高達122萬，計劃安排《警》劇作開台頭炮。
有參與該劇演出的張松枝，昨表示也有聽聞：「聽聞開頭都係諗住呢部劇做頭炮，我覺得部劇係可以，之前王生（王維基）喺記者會度，都問有線記者係咪想睇《警界線》！」身為《警》劇主角的廖啟智，對《警》劇作開台頭炮感到雀躍，智叔昨在電話中說：「有份參與拍攝，係我演藝生涯中好值得紀念嘅一個工作。台前幕後都好有目標想做好，當然出嚟成績有待觀眾評價，但自己付出好大，能夠得到公司攞去做頭炮，當然係值得高興嘅事啦。因為擺過一集上網，個feedback都係好，好值得鼓舞。」有份參演的「港版半澤直樹」陸駿光亦謂：「呢部劇做頭炮好有實力。」至於港視發言人鄭小姐則說：「暫時未決定，但可以考慮。」
艾威打消賣屋移民
港視「復活」，港視藝員艾威、郭鋒、張松枝和陸駿光均興奮不已，昨日在港視位於將軍澳工業邨的電視及多媒體製作中心地盤前，表達「開心到飛起」心情，雖然艾威和郭鋒沒份參與《警》劇演出，但二人昨與張松枝及陸駿光接受本報專訪時，均認為《警》劇作開台頭炮最適合。
原來艾威本計劃賣樓移民台灣，但現時已打消念頭。他說：「我本來真係打算山窮水盡嗰陣賣咗間屋移居去台灣，𠵱家唔使囉！我覺得又重拾番獅子山下精神，證明到努力係唔會白費，起碼大家有番份工，唔需要喺大海度浮沉。」
郭鋒：有個激勵性
本來打算轉行的陸駿光，為可以繼續拍電視劇而感雀躍：「本來諗住轉行做健身教練，亦有同魯文傑傾過一齊開間學校教戲劇，但𠵱家可以專心拍番劇。」張松枝則說：「之前諗住返內地發展，但𠵱家開台啦，我諗我都係會全力留番喺香港繼續拍劇。」
短短幾個月，港視幕前幕後心情猶如坐過山車，郭鋒認為今次事件可給年輕一代作正面教材，就是永不放棄。他說：「人在做，天在看，畀到年輕人一個好教材，有個激勵性。王生好努力不懈想做好件事，雖然唔係預期嘅效果，有啲嘢係不公平不公義，但畀大家一個啟發性，只要你努力，呢邊唔得試另一個辦法，唔好放棄，總有成功一日。」
採訪：戴彩煥
攝影：葉君海
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！