韓國Hip Hop男子組合Leessang前晚在九展開騷，全場氣氛熱烈，成員Gill和歌迷唱雙簧，喪提隊友Gary的「周一情侶」宋智孝，最後Gill更指覺得Gary如果重生，會和《Running Man》拍檔李光洙結婚，難得被玩的Gary沒有反抗，還大讚光洙好。
Gill喪提宋智孝
Leessang兩位成員Gary和Gill，挾着主持綜藝節目《Running Man》（RM）和《無限挑戰》而大受歡迎，前晚二人首度殺入香港開騷，連環唱出《不能分手的女人不能離開的男人》等大熱歌，令歌迷high爆。
Leessang讚港迷靚女，又搞氣氛不斷跟歌迷互動。在問答環節時，台下歌迷大叫Gary在《RM》的「周一情侶」宋智孝，Gary即說：「今天是星期六，不是星期一。」他以為可以過骨，但Gill卻跟歌迷站在同一陣線，喪提宋智孝玩謝Gary。當Gary指創作靈感來自很多方面，好像開騷前一晚便在酒店寫歌時，Gill即取笑他：「講大話，擺明是來自宋智孝。」
攞《蘋果》玩遊戲
之後Gary被問如果重生的話，可會與宋智孝結婚？Gary說：「未必見到面，又可能在pub見到。」Gill聽見即說：「我覺得你會和李光洙結婚！」Gary惟有笑笑口回應：「都不錯。」而Gill的感情生活亦是焦點，台下歌迷起哄大叫女歌手BoA的名字，他即表示二人只是好友。
後來Leessang出動《蘋果日報》和粉絲玩遊戲，抱起或孭起女歌迷，不過Gill事後卻拍拍腰，似乎嫌歌迷重。他們又與歌迷玩爭凳仔。尾聲時，Gill用水照頭淋濕Gary，Gary則落台和歌迷握手，令歌迷幾乎推冧鐵馬！昨午Leessang離港時，亦獲半百粉絲送機。
採訪、攝影：梁婉霞、陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！