容祖兒的15場「1314容祖兒演唱會」前晚揭開序幕，她以多個造型現身，當中以低V大露背及星星bra-top造型最性感，讓祖兒一騷苦練得來的腹肌。唱快歌時，一身黑色透視舞衣的祖兒，跟穿上t-back透股的黑人舞蹈員跳辣身舞，場面火辣辣。
最令人意想不到的，是祖兒以懷胎3個月的大肚婆造型登場，出場時還「認真」搞gag說：「今晚有好多錫我嘅人喺度，我都有個秘密同大家分享，今晚想多謝幫我造衫嘅團隊，將我遮掩得好好。」其後又在台上說：「其實有時都想做番自己想做嘅嘢，好似今次咁做喜劇演員，同埋呢個部份係講母親節，除咗唱歌外，有乜感受大過自己扮。」
劉浩龍捧場
演唱會後祖兒接受記者訪問，問她是否好想有BB？她說：「其實呢部份係Wyman（黃偉文）構思嘅，仲搵埋婦產科醫生商量，跟足晒㗎。」記者笑她的上圍不像孕婦般大，祖兒竟自爆說：「已經墊咗！同其他衫分別大㗎。」問到其男友劉浩龍有否捧場？祖兒說：「有，佢話要喺唔同角度睇同畀意見，今日坐好高，大家見唔到，佢好支持我！」
早前有傳祖兒拒絕入股劉浩龍有份投資的食肆而令二人冷戰，祖兒就澄清說：「逢演唱會實有炒作新聞，我哋經濟獨立冇錢銀瓜葛，係好單純一般戀愛，唔使加插故事畀我哋，佢好支持我，我都好支持佢，佢冇叫我入股。」
採訪：胡比
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！