唔知係咪恨做立法會議員恨到流口水，西貢區議員民建聯陳國旗，竟然喺一張橫額中訛稱自己係「立法會議員」，貼咗兩日都唔拆走，街坊不滿禮義廉作失實聲明。陳國旗聲稱因為手民之誤，諉過係自己助理或者係製作公司搞錯咗，聲稱盡快拆走佢。區議會同立法會咁大分別，橫額個字雞乸咁大隻，都話係「手民之誤」，你唔係信呀？根據法例，冒充公職人員乃係犯法，可被判處罰款1,000蚊或監禁六個月，唔知訛稱立法會議員要罰幾重呢。呢張「訛稱」橫額仲有立法會議員葛珮帆（EQ）個嘜頭，唔知EQ有冇諗吓下屆畀陳國旗「上位」呢？
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24