英超今年聖誕前興炒帥，之前奇勒同波亞斯先後執包袱，𠵱家睇嚟卡迪夫城領隊麥基（圖）都就快冇得撈。有傳「騎呢班主」陳志遠已發電郵列出麥基「罪證」，要佢自動辭職，諗住唔使賠；麥基梗係死都唔肯，仲向英超領隊協會（LMA）申報，希望索償200萬鎊（約2,500萬港元）分手費。我求大俠最憎班主亂炒人，梗係撐麥基攞番一筆啦！另外，波亞斯被炒一事，就獲之前傳同佢已反面嘅車仔領隊摩連奴力撐，摩佬仲話兩人前幾日通過電話，睇好徒弟仔好快搵到工。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange