【灣仔】就嚟有套新戲《救火英雄》上嘅余文樂，自從拍完《春嬌與志明》系列電影之後，佢喺電影嘅發展似乎好過唱歌，啲片酬自然水漲船高，所以見佢揸嘅車亦都越來越富貴，買衫方面自然都唔手軟，何況佢一向以潮人自居，所以點都唔慳得。早幾日夜晚7點幾，佢又去灣仔一間成日幫襯嘅潮店，睇嚟佢對嗰款鞋心儀咗好耐，見佢攞上手睇之後露出一個非常滿意童真嘅笑容，試咗足足十分鐘左照右照至包起攞走。
採訪、攝影：藍文浩、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！