聖誕燈飾睇到悶，不如換吓口味睇骨牌表演。來自台灣、有骨牌達人之稱嘅張子奇，用咗五日時間以超過兩萬盒經典零食「甘大滋」佈下骨牌陣（圖），佔地面積近5,000平方呎，約兩個網球場咁大。除砌成聖誕樹、聖誕鐘、聖誕花等，增添節日氣氛，仲砌出「HONG KONG」字形。聖誕骨牌裝置喺奧海城展出。張子奇曾創下砌出358,373片骨牌嘅超班成績，今次來港表演諗住以最多糖盒組成骨牌，挑戰健力士世界紀錄。八方祝佢成功，剩番啲甘大滋點算呢？主辦單位會捐晒畀慈善機構「惜食堂」，轉贈畀有需要人士做聖誕禮物，普天同慶。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24