【婚變傳聞】上月底喺台灣獲頒金馬獎終身成就獎嘅甄珍，冇幾耐就傳出同劉家昌離婚，話有小三介入，甄珍一度想開記者會，但取消之後就冇再回應件事。
腰患要用柺杖
直到噚日冬至，甄珍喺微信蒲頭，向各方好友發冬至快樂短訊報佳音，仲鬼馬咁將自己嘅舊相key落條聖誕短片度，片中個公仔趷籮又擘一字馬，好鬼high，睇嚟甄珍心情已經好番啲。
守庫乘機問甄珍有關婚變嘅事，但對於有關小三、劉家昌冷落佢同囝囝子千、佢只分1億身家畀劉家昌等問題，佢全部都冇答。問到腰痛點樣？甄珍就話𠵱家要用柺杖，今日會再睇醫生，多謝大家關心。而囝囝子千前晚去咗灣仔會展睇陶喆演唱會，睇嚟兩母子暫時先將煩惱拋開。
場主：守庫
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！