還記得黎智英（肥佬黎）早前在《亂噏24》透露，看見梁朝偉在《色，戒》的演出有心動感覺，今集節目請來肥佬黎的「情敵」劉嘉玲任嘉賓，逗得肥佬黎、蔡瀾和倪匡三人興高采烈，絕無冷場！節目今日起至周五每日播出兩集，讀者可在《蘋果動新聞》網頁觀看，亦可到 http://bit.ly/appletalk24重溫，周四晚11時會播出足本版。
「呢個人好神奇」
不說不知，原來肥佬黎一早便想跟嘉玲會面，他說：「我話好想好想見到劉嘉玲，因為呢個女人好神奇，睇吓佢個氣質呀、義氣呀。今日見到先知道原來真係咁靚。」倪匡和蔡瀾很久以前已認識嘉玲，倪匡笑說：「佢初初出道嘅時候，我已經話佢好得意。」嘉玲反應甚快：「佢只係用『得意』嚟形容，即係我唔靚！」肥佬黎取笑說：「咁點解𠵱家咁靚呢？唔係整形啫吖嘛？」嘉玲頓感沒好氣。
相由心生，當人變得有自信，便會越來越靚，蔡瀾認為好的女人永遠不會老，又指有些女人你永遠猜不到她的真實年齡，唯一方法是灌醉她：「同佢飲酒，然後唱舊歌！」倪匡認為女人只要不討厭，都是漂亮的，嘉玲問他哪些屬於討厭類？倪匡說：「行動舉止唔討人歡喜。同埋動靜、打扮要同年齡相合先得，如果劉嘉玲梳兩個孖辮落嚟yeah（邊豎起兩個V字作可愛狀），唔可能話佢靚。」
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24