聖誕將至，不少人都會在這個普天同慶的日子，與最愛共度佳節。幾位本地體壇精英不約而同於今年結束愛情長跑，展開人生另一階段，而今個聖誕就會以新身份，與另一半共度。
望贏波後食大餐
李威廉與太太Rabi
（南華中場、前香港足球先生、今年11月結婚）
南華中場李威廉剛於上月與拍拖7年的女友Rabi拉埋天窗。在結婚後首個聖誕，「威廉王子」的願望最簡單不過，就是要協助南華在銀牌4強擊敗東方沙龍，之後開開心心食大餐。
每逢聖誕檔期總會有銀牌賽，威廉坦言過往幾年的聖誕節皆於比賽度過，今年也不例外，因要出戰東方沙龍︰「其實大家一齊7年，日日都可以送禮物，唔一定要聖誕先送。作為職業足球員就要搏命，幫球隊贏波！」
雖然在旁的Rabi聽罷，直斥老公不像初相識時浪漫，但仍會一如以往入場支持︰「佢以前會改歌詞，又試過送冇寫銀碼支票畀我，但𠵱家少咗心思，枉我結婚仲特登搵羅太（梁芷珊）幫我改咗首《唯獨「李」是不可取替》送畀佢。講真，聖誕當日最緊要佢唔好受傷，贏波之後一齊去食聖誕大餐，若果萬一唔好彩就食粥，我煮！」
浪漫，不一定用物質衡量。威廉笑言今年最大的聖誕禮物，就是給Rabi名份，而二人亦有計劃製造愛情結晶品，太太隨即回敬一句，「呢個就係我哋下年嘅聖誕禮物。」
留港過節開Party
鄭麗莎與老公Calvin
（香港健美及速攀代表、正職開健身室、今年9月結婚）
與金融業老公Calvin拍拖3年來，今年9月告別單身的「蜘蛛女」鄭麗莎（Lisa）數數手指，原來二人從未在香港共度聖誕，但今年寧願留港和朋友開派對，交換禮物。
Lisa說：「我同Calvin認識第一年嘅聖誕，佢去日本滑雪，因我嗰時仲好怕去太凍嘅地方，於是就去咗台灣環島單車遊。上年我嘅舞台劇《玩轉教室》喺北京上演，Calvin陪我一齊喺北京過，今年真真正正第一年喺香港過，反而覺得好特別。」
所以他們決定與家人及朋友，開聖誕大食會和交換禮物，可以享受派對帶來的歡樂。Lisa認為聖誕大餐中一定要有Pizza，自認是Pizza迷的她說，覺得薄餅是大班人分享的最佳食物。
Lisa坦言很享受新婚這段日子，但覺得和做運動員的生活大大不同：「以前做運動員，就一直為自己嘅運動目標奮鬥。𠵱家身為人妻，要照顧丈夫感受，諗任何事都要預他一份。」
說到聖誕願望，她笑咪咪的說：「都係同Calvin繼續甜蜜生活，家庭愉快。」大家應該可以想像Lisa幸福的樣子吧！
「人盯人」黐實老婆
盧均宜與太太Canmy
（傑志後衞、前香港足球先生，今年10月結婚）
傑志的港隊主力盧均宜，於10月與拍拖4年的Canmy結束愛情長跑。均宜已準備連串節目，歡度新婚後首個聖誕。
均宜個多月前與Canmy舉行盛大婚禮，兩口子在婚宴上，更出人意表地大跳熱舞，令賓客印象深刻。為令嬌妻在婚後首個聖誕，過得同樣難忘，主意多多的均宜與Canmy商議後，決定在赤柱的西餐廳食聖誕餐。他說：「過往聖誕唔係有比賽就係準備比賽，今年比較特別，獲港隊總教練金判坤同意休假，唔使出戰省港盃。踢完上周六對愉園場聯賽，今年就再冇比賽。球隊會喺平安夜同聖誕日放假，所以今年可以全心全意陪太太過聖誕同新年。」
均宜透露，與Canmy在12月相識，她又是12月生日，所以每年到這個月都特別多節目，以紀念各個特別日子：「月初喺山頂食飯慶祝佢生日，而今年聖誕除咗去赤柱食飯，亦會同太太出席朋友同同事嘅聖誕派對，交換禮物同抽獎，大家開心吓。當然有時間亦會同佢行街購物，買啲BB用品，迎接小生命下年3月到臨。」
白色蜜月博收「禮」
郭嘉進與太太Coco
（香港7欖代表、正職消防員、今年9月結婚）
為了一次過滿足Coco所有願望，即是過白色聖誕兼有浪漫蜜月旅行，初為人夫的郭嘉進自訂北海道8日行程。二人的共同願望，就是希望有「意外禮物」，30歲前成功造人！
28歲的嘉進是香港7欖主力，與任職化妝師的Coco拍拖10年，今年9月21日結婚。嘉進說：「近3、4年我因為7欖，每次放假全部用嚟訓練或比賽，冇陪過Coco去旅行。佢未試過去落雪嘅地方，所以揀去北海道過白色聖誕，感覺都幾浪漫，適合度蜜月。」
這次訪問地點，是二人挑選的尖沙嘴海港城，那裏的燈飾主題為「華麗聖誕大宅」。甫到現場，嘉進二話不說就和《怪獸公司》的毛毛（Sulley）合照，郭太說：「嘉進同Sulley身形好似，都係大大嚿。」
除浪漫雪景蜜月外，嘉進更送了兩個法國名牌煮食煲給太太，他笑說：「太太煮嘢食都係我受惠，我好樂意買。」二人8日的白色蜜月旅行已在上周一（16日）展開，剛好今天返港。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange