一提到飲飲食食，三位主持便眉飛色舞。肥佬黎透露最近吃過一隻長江野生的大閘蟹，竟要1600元一隻！雖然味道的確跟一般大閘蟹不同，但仍感到不值。說着說着，眾人均認為昔日的大閘蟹比較鮮味，連殼也硬很多。倪匡對此甚有研究：「唔關水質事，關佢食嘅嘢事。以前食野生蝦仔、螺仔，𠵱家餵人工飼料。」蔡瀾稱以前吃完大閘蟹，三天後仍有一陣腥味，現在用番梘一洗便沒有味。倪匡稱老一輩的上海人已不再吃大閘蟹，因為味道跟以前差得太遠。
眾人又提到天香樓的蟹粉撈麵很好吃，可惜今時唔同往日，因食材已大不如前。蔡瀾便提起天香樓的趣事：「我哋每一次去，鄒文懷先生睇到有邊個熟人喺度就請客。但鄒文懷先生話，點解每一次去，倪匡都喺度？」倪匡笑說：「我同啲伙計話，一見到佢即刻打電話俾我！」認真抵死。
倪匡餐餐都唔洗俾錢，竟然咁著數？！星期四晚十一點,《亂噏24》約定你！
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24