【銅鑼灣】現時專注喺內地發展嘅丁子峻，前年喺杭州同經紀人吉祥結婚，早前二人先慶祝完結婚兩周年，平日多留喺內地嘅丁子峻日前返咗嚟香港，前日下晝約3點，丁子峻同一名女伴現身銅鑼灣利園附近，由於近日天氣好凍，呢名女伴頭戴帽子兼着上厚褸，睇佢同丁子峻嘅親密度，估計同行就係佢老婆吉祥，而丁子峻仲陪住佢入咗一間買平價女性服飾嘅店舖，二人左揀右揀都睇唔啱，最終空手而回就離開現場。
採訪、攝影：畢紹基
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！