容祖兒的「1314容祖兒演唱會」昨晚在紅館開鑼，汪明荃、謝霆鋒、蔡卓妍、黃偉文、楊受成夫婦等現身睇騷。祖兒穿上黑色貼身長裙，外披黃色毛毛登場，獻唱第一首歌《小日子》時竟甩嘴，之後喊住唱三度甩嘴兼走音，幸之後兩首回復狀態，祖兒說：「唔好意思，剛才我有激動少少，因為實在太高興。」她表示希望將過去一年大小日子濃縮到三小時演唱，將快樂跟大家分享，她表示今次係最揼本，她說：「之前聽講梁朝偉話有日悶悶哋飛咗去英國餵白鴿，行為有型。我有日都買咗張頭等機票，飛去英國搵位出名頭飾設計師幫我度頭圍，仲有黑朱古力（黑人）dancer。」
開騷前，祖兒跳紮紮在紅館門外拜神時表現輕鬆，行近一班粉絲面前，擺出不同甫士，扮大隻兼360度自轉任影，粉絲大嗌：「Good Show」，𠱁得祖兒笑逐顏開。
採訪：胡比
攝影：仇志德
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24