維基發力挖小生花旦Chilam子華倒戈撐港視

維基發力挖小生花旦
Chilam子華倒戈撐港視

【維基開台倒數191日】王維基旗下的香港電視不獲政府發免費電視牌照，但他沒放棄理念，前日宣佈已購下中移動旗下香港流動電視業務，明年7.1開台，馬上再招兵買馬，加強陣容炮製娛樂節目，並大舉向林𥧌、陳豪、楊怡和胡杏兒等無綫小生花旦招手，無綫出爐視帝黃子華和落敗的張智霖（Chilam）考慮倒戈為港視拍劇，已離巢無綫的謝天華都大讚王維基有創意，並期待跟有質素的製作單位合作。

王維基揸弗的香港電視不獲發免費電視牌照，但未有打沉港視員工士氣，前日終有好消息傳出，王維基宣佈獲央企龍頭中移動出讓旗下香港流動電視業務，明年7.1便啟播，流動電視台最重要的是節目質素，據知港視首要向林𥧌、陳豪、楊怡和胡杏兒等有離心的無綫小生花旦埋手，跟無綫沒有合約束縛的出爐視帝黃子華和最受歡迎電視男角色得主張智霖，當然是港視頭號挖角人物，兩人昨異口同聲不介意倒戈撐港視。

Chilam跟無綫沒合約束縛，只要有合適劇本、理想酬金和檔期配合，不介意接拍港視劇集。
攝影：陳慧安
服裝：Dior

踢走樂易玲挽陳豪

港視來勢洶洶向無綫大舉挖角，其實早前已有報道指陳豪的經理人陳嘉莉已遞信辭職，她自立門戶，打算帶走即將約滿的愛將陳豪和楊怡，無綫有見小生花旦現離心，近日即密謀對策，有消息指無綫打算把製作資源部總監樂易玲調到上海佘詩曼所屬的TVBC，為挽留仍未續約的陳豪，無綫助理總經理區偉林親自約見陳嘉莉，打算安排升她為經理，好讓她安心留下，以助游說陳豪和楊怡留低。

出爐視帝黃子華雖然短期內沒檔期拍劇，但他謂港視有誠意都會考慮。

Chilam（右）日前現身子華的視帝慶功宴，二人惺惺相惜。微博圖片

電視圈爆挖角潮，無綫先安內挽留免小生花旦流失，港視又出擊向沒合約的好戲之人埋手，就港視大量招攬小生花旦，該台發言人Jessie昨說：「正如我哋剛公佈，明年會製作260小時劇集，後年增加到520小時，所以我哋需要各方面嘅人才。任何好嘅藝員我哋都會考慮同歡迎合作。」憑劇集《My盛Lady》摘下視帝的黃子華、《衝上雲霄II》的吳鎮宇和Chilam也成搶手貨，他們一旦跟港視合作，仍可保留自由身效力不同媒體，條件相當吸引。黃子華昨在電話中說：「之前港視都有人搵過我哋，如果港視再搵，絕對會傾，都係睇吓時間同各方面條件，但嚟緊兩年個檔期都唔得。」子華透露除《男親女愛》外，其餘在無綫拍的劇集，都是他主動搵無綫合作拍他想拍的題材，將來若有新題材，除無綫外，亦會考慮搵只有流動電視牌照的港視：「最緊要大家多個渠道，我都希望王維基商業上成功，雖有競爭，但大家都有得撈。」
Chilam經理人蕭定一昨日也在電話表態願合作：「當然會啦，港視係一個好嘅選擇，仲有now同有線都係一個好平台，最緊要劇本好、價錢啱，同埋檔期就到。」Chilam撐港視拍劇，可擔心影響跟無綫的友好關係？蕭定一續說：「唔會啦，Chilam𠵱家自由身，有機會同每間電視台合作。Chilam每年拍劇嘅時間有限，貴精不貴多。」

天華三哥躍躍欲試

吳鎮宇經理人Helen昨透露《衝II》開工時，王維基曾斟鎮宇拍劇，奈何因答應無綫在先兼撞期要婉拒，Helen說：「我哋對於港視有咁嘅新發展，好欣賞佢嘅堅毅精神同魄力。鎮宇嘅工作排到明年中，港視亦未有再搵，但態度係開放，只要時間、劇本、酬勞配合到都會考慮。」
已離開無綫的謝天華坦言有留意港視劇《警界線》網上首播點擊逾百萬，他昨說：「證明網上睇劇係未來大趨勢，王生（王維基）咁嘅決定係配合佢嘅創意。」天華表示非常有興趣與不同製作單位合作：「我離開以前電視台，就係想出去拍啲新嘢，同唔同嘅對手合作。」跟無綫有部頭合約的小生苗僑偉也蠢蠢欲動說：「如果有機會、啱嘅，個個都可以合作。」
採訪：羲和