【本報訊】特首梁振英疑因不滿自由黨經常與政府唱反調，落封殺令禁止司、局長問責官員出席自由黨20周年黨慶。自由黨黨魁田北俊昨指梁振英此舉「有啲不智」；雖然不會因此斷絕與司局長的溝通，但若是梁振英邀約的飯局，「至少你問我，我（𠵱家）係唔會去」。
田北俊昨於電台節目稱，逾半數局長稱會出席該黨黨慶，引述部份局長其後回覆，「有啲話有難處嚟唔到，仲有啲話唔方便嚟、但好想嚟」，他指黨友對梁「落柯打」好㷫，此舉亦屬不智，「如果做到咁出面（封殺），對（自由黨）黨友同社會都好難交代」。
黨慶遭封殺 「落咗面咁又點？」
田認同外界指政府藉此「落自由黨面」，希望施下馬威後該黨日後更聽話，他反駁：「落咗面咁又點？」稱事件帶來反效果，「𠵱家（政府）公開講到好似劃清界線咁……如果有啲嘢（政府政策、政府議案等），唔係話咁黑咁白，有灰色地帶……咁我哋會唔會再撐你，真係到時睇睇先知」。
田北俊重申，會視此封殺令為梁振英個人看法，將來仍會與各局長「有商有量」，但近期不會出席梁振英邀約的飯局，他並勸戒梁振英：「應該對建制派政黨當成夥伴、唔係夥計」，又指「我哋幫政府結交朋友（泛民），政府就咁（對待自由黨）……我哋係有啲詫異」。他更勸說：「𠵱家個班底咁唔團結……對政府嚟講，自由黨個問題係最細嘅問題箒，自己嘅管治問題應該認真處理先仲好。」
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24