殘奧輪椅劍擊7金得主余翠怡，除咗每星期開咪做電台主持，最近仲首次「升呢」做老闆，同前港隊總教練鄭兆康合作，投資七位數字喺觀塘一工廈開劍擊學校，今日開張招生，噚晚率先安排傳媒參觀。學校面積達1萬平方呎，總共有13條劍道，其中3條專畀兒童練習。正計劃喺南京開劍校嘅京奧男子佩劍金牌得主仲滿、倫奧女重團體冠軍李娜同前中國隊隊友黃良財都嚟撐場。
余老闆話希望課程會提升小朋友對劍擊嘅興趣，有潛質嘅仲會推薦入港隊，至於會唔會轉型做教練，佢就話個人目標喺16年殘奧再為港衝牌，未有計劃退役。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24